TVRI YOGYAKARTA NEWS – WIDI-YUDHA
Para pamirsa, kajawi kangge njagi lestantunipun, saweneh warga saking Kembangsari, Banjarasri Kalibawang Kulonprogo nyobi nangkaraken ayam alas, lan kanyata asilipun ugi mikolehi.
Ayam alas kathah dipun budidayaaken jalaran suwantenipun ingkang mirunggan, blegering badan sarta wulunipun ingkang endah. Jinis ayam menika ing habitat asilinipun sampun langka, saengga nindaken penangkaran ayam alas menika, kajawi njagi lestantunipun ugi gadhah pangajeng-ajeng ingkang sae, salah setunggalang warga masyarakat ingkang nindaken penangkaran ayam alas inggih menika Juli saking Kembangsari, Banjarasri Kalibawang Kulonprogo. Wekdal sakmenika piyambakipun gadhah tiga dere ayam alas. Ing saklebeting budidaya ayam alas menika ngginaken kandhang kanthi ukuran inggil kalih meteran sarta wiyar setunggal meteran. Ing kandhang menik ugi dipun jangkepi wontenipun wadah pakan, plangkringan sarta susuh kangge nigan ayam. Ing saklebeting nindaken penangkaran ayam alas menika mboten kados nalika budidaya jinis ayam sanesipun. Bab menika jalaran ayam alas menika mujudaken ayam ingkang dipun cepeng saking wana saengga sipat alasanipun ugi tasih ketingal lan giras menawi dipun celaki. Nguningani kawontenan ingkang mekaten menika, sakljengipun ndamel swasana kandhang kadosdene ing lingkungan aslinipun. Kandhang, dipun papanaken ing panggenan ingkang kiwa lan sepen saking tiyang. Sawetawis pakanipun ugi dipun sukani pakan kadosdene nalika ayam alas gesang ing habitat asilinipun, sarta poor. Supados samangkenipun asilipun saged maksimal, calon indukan ayamalas menika ugi kedah dipun gatosaken kanthi estu. Ing tembe ngajengipun menawi sampun nngrembaka lan kasil anggenipun nangkaraken saged dados sumbering wulu wektu nguningani bilih ayam alas menika pengaosipun tasih kalebet awis lan sampun langka.
