TVRI YOGYAKARTA NEWS – JATMIKO HADI
Ing mangsa rendeng kados wekdal sakemnika, sawetawis kadang tani ing laladan kabupaten kulonprogo sami nanem kacang ing lahan ingkang kirang produktif. Kajawi pangrimatanipun gampil, pengaosing kacang ugi ajeg, ngancik 10 ewu rupiyah saben kilonipun.
Ing saklebeting budiaya taneman ing lahan ingkang produktif, pamilihing jinis taneman ingkang cocok dados kunci utami pikantuk asil ingkang maremaken. Salah setunggalipun inggih menika nanem komoditas olah tetanen ingkang gampil pangrimatanipun, kadasta nanem kacang brol. Kados ingkang diun tindakaken dining painati, salah saweneh kadang tani saking Dukuh Sindutan Temon Kulonprogo. Ing mangsa rendeng menika piyamnbakipun nanem kacang brol ing lahan kanthi wiyar 300 meter persagi. Asilipun kanyata ugi maremaken. Kanthi winih 5 kilogram, piyambakipun saget pikantuk asil panen engga 150 kilogram. Menapa malih pengaosing kacang brol sakmenika ugi kapetang inggil ngancik 10 ewu rupiyah saben kilo ing tataran kadang tani, saengga ndamel bebathenipun kadang tani langkung katah. Painati ngakeni bilih saben panen, piyambakipun saget pikantuk bathi engga 1 yita rupiyah. Painati piyambak langkung milih nanem kacang brol, kajawi mangsa panenipun cekak watawis 90 dumugi 100 dinten sampun saget dipun panen, pangrimatanipun ugi gampil.
Kacawi pikantuk asil saking panen kacang, painati ugi pikantuk asil saking nyade rendengt utawi wit kacang ingkang katah dipun tumbas dining warga masyarakat ingkang gadahi rajakaya mliginipun jinis lembu. Katah saking kadang tani ternak ingkang pados rendeng amargi dipun pitados gadahi kandetan protein lan serat ingklang inggil, saengga sae tumrapipun raja kaya mlioginipun lembu.
