TVRI YOGYAKARTA NEWS – WIDI-HARIF YUDA
Salah setunggaling kupiya kangge ngirit pakan, ing saklebeting nindaken usaha budidaya ayam kampung inggih menika njamboarken kaliyan budidaya maggot. Lumantar cara menika saged ngirit beya pakan pabrikan engga pitung dasanan persen.
Kados mekaten kandhang ayam gadahahnipun fausan warga saking laladan Brayut Pendowoharjo, Sleman. Kandhang dipun damel kanthi mirunggan, ing perangan nginggil kangge ngandangaken ayamipun. Sawetawis ing perangan ngandhapipun dipun sukani slorokan, minagka kangge wadah bucalan ayam, Fauzan mratelaken bilih menawi namung dipun sukani pakan pabrikan, menapadene pakan sanes kadosta katul, jagung, menapadene sekul aking beya produksinipun badhe saya inggil. Ing wekdal menika pengaosaing pakan kala wau saya awis, wusananipun menawi dipun peksa, kadang pembudidaya ayam kampung badhe nemahi kapitunan. Ananging lumantar cara ingkang kados katindaken menika, pembudidaya saged ngirit kangge pakan pabrikan ngancik pitung sadanan persen langkung. Bucalan ayam ingkang dipun wadahi ing sak ngandhaping kandhang saklajengipun dipun sukani tigan laler cemeng utawi maggot baby. Maggot wau saklajengipun mangan bucalan ayam wau. Sasampunipun maggot ageng, saklajengipun dipun pendhet kangge pakan ayam, kanthi mekaten namung kados mubeng kemawon. Miturut fausan, laler cemeng mboten badhe lunga saking sakiwatengeing kandhanag, ananging badhe nigan malih ing bucalan ayam malih. Kajawi pakan arupi maggot, Fausan ugi nambahi pakan tambahan arupi katul, sekul aking, ron lumna sarta azola. Nindaken usaha budidaya ayam kampung ingkang dipun jamboraken kaliyan budidaya maggot menika kanyata ugi langkung ramah lingkungan. Lingkungan mboten ngganda bucalan ayam.
