TVRI YOGYAKARTA NEWS – ADI NUGROHO
Usaha budidaya bayem raja kanyata langkung mikolehi jalaran jangka wekdal panenipun ingkang cepet, panyuwuanan inggil lan reginipun ugi ajeg.
Kados mekaten menika kebon bayem raja ingkang dipun budidaya dening Prayitno, saweneh kadang tani ing laladan Srigading Bantul. Jinising bayem ingkang dipun budidaya inggih menika bayem raja ingkang gadah ron langkung kasar lan kaku. Meh sami kaliyan bayem pethik ingkang anggenipun nanem cekap dipun pethik lan saged thukul malih, bayem raja menika anggenipun panen dipun pethik ing perangan inggilipun. Budidaya bayem bubut ingkang dipun tanem menika migunaaken lahan gesik ingkang dipun sukani rabuk kandnag organik, taneman janganan dipun pitados langkung ndatengaken bebathen ingkang sae tinimbang janganan sanesipun amargi panen ingkang langkung cepet. Ing lahan gesik, taneman bayem menika sampun dipun budidaya kawit rumiyin amping ampingan kaliyan janganan saesipun, asilipun kanyata sae, jalaran pangrimatipun ingkang gampil. Kejawi menika rabuk ingkang dipun ginaaken inggih meika rabuk organik bucalan lembu sarta ayam ingkang dipun campur piyambak. Kejawi menika kapandingaken kaliyan taneman janganan saneispun, pengaosipun bayem ing pekenan kapetang ajeng. Perangan ron-ipun ugi nggadahi werni ijem ingkang seger lan pang-ipun mboten atos. Setunggaling bab wigati ingkang kedah dipun gatosaken mboten sanes kabetahan toya kedah cekap ampun ngantos kekathahen. Menawi kekathahen toya saged njalari perangan ronipun risak katerak ama menapadene sesakit. Asiling budidaya bayem menika lajeng dipun sade wonten ing wande-wande ing sakiwa tengenipun papan menika.
