TVRI YOGYAKARTA NEWS – HENDRY
Sere mujudaken salah setunggaling jinis taneman ingkang mupangat kangge bumbon menapadene unjukan. Anggenipun nanem ugi cekap wonten ing sakpinggiring pesabinan.
Lahan pesabinan mujudaken lahan ingkang saged dipun mupangataken kangge nindaaken budidaya menakwerni taneman olah tetanen. Bab wau mboten namung saged katindaaken wonten ing lahan sabin kemawon, ananging ugi saged mupangataken galengan utawi ing sakpinggiring mergi ing pesabinan. Kathah manekawerni taneman ingkang dipun budidayaaken dneing kadang tani wonten ing sakselanipun sabin salah setunggalipun inggih menika taneman sere. Taneman sere menika mupangatipun mirunggan sanget kangge mangsak sarta ndamel unjukan jampi. Budidaya taneman sere menika klebet gampil dipun budidaya. Namung dipun tancepaken wonten galengan sabin utawi pekawisan. Padatanipun budidaya teneman menika minangka kangge samben kemawon, ananging kanyata asilipun maremaken. Sanadyan namung kangge samben kemawon ananging budidaya taneman sere tetep katindaken kanthi saestu. Menawi sampun dipun panen, oyotipun lajeng dipun paringi rabuk kemawon sampun saged tuwuh malih. Miturut panaliten, sere menika gadhah kandhutan zat besi, fosfor, folat, magnesium, anti oksidan lan anti septik ingkang mupangati tumraping kasarasan. Mboten maiben bilih sere menika mboten namung kaginaaken kangg ebumbon kemawon ananging saged dipun olah dados manekawerni unjukan ingkang dipuns ade ing wande-wande dahar.
