TVRI YOGYAKARTA NEWS – ADI NUGROHO
Kontur siti ingkang dumados saking ereng-ereng redi kanyata ugi mboten dados pepalang menggahing kadang tani ing Sriharjo Imogiri kange ngolah sabin kanti cara terasering. Kejawi murakabi, olah tetanen terasering mekaten ugi dados sesawangan endah ingkang nyengkuyung parisiwata.
Ing wekdal sakmenika kathah warga masyarakat ingkang remen dhateng sesawangan alam ing padusunan. Mila mboten maiben bilih wontenipun desa wisata menika kathah dipun remeni dening warga masyarakat mliginipun warga masyarakat ingkang dumuning ing laladan kitha. Kawontenan alam padusunan ingkang taksih asri mujudaken sesawangan ingkang dados daya tarikipuun wisatawan. Menapa malih sesawangan pasabinan terasiring ingkang wonten ing laladan Sriharjo Imogiri Bantul menika. Kados dene ingkang wonten ing laladan ubud bali, ing wekdal sakmenika pasabinan terasiring ingkang wonten ing laladan Kabupaten Bantul menika dados jujugan wisata lan kathah dipun dadosaken minangka kangge sesawangan alam ingkang nyegahaken sesawangan asri alam padusunan kangge swa foto. Laladan pasabinan terasiring ing Sriharjo menika kathah dipun mupangataken warga minangka kangge obyek foto ingkang kanyata pancen endah menawi dipun pirsani. Kados ingkang kawuningan bilih cara tanem terasiring menika mujudaken salah setunggalipun cara tanem pantun menapa dene palawija sarta komoditas janganan sanesipun ingkang dipun tindaaken wonten ing laladan dataran inggil menapadene pareden. Cara menika dipun tindaaken kangge ngawekani kawontenan siti ingkang miring. Pandameling terasiring menika nggadahi mupangat kangge nikelaken resapan toya siti lan ngirangi gunggunging toya ingkang wonten kangge ngawekani erosi. Miturut bentukipun, wonten wolung jenis terasiring inggih menika teras kredit, teras individu, teras datar, teras guludan, teras bangku, teras batu, teras saluran lan terss kebun. Menawi panjengan gadah wedal, mboten wonten klentunipun ningali terasering ing laladan Sriharjo Imogiri.
