TVRI YOGYAKARTA NEWS-MUHAMMAD RIDWAN
Kajawi pramuka, salah setunggaling organisai kepanduan sanesipun inggih menika Hisbul Wathan. Maneka werni krida ingkang katindakaken ing hisbul watha dipun ajab saget ndamel jiwa mandiri lan jiwa kepemimpinan tumrap lare.
Salah setungaling krida ingkang dipun wucalaken ing saklebeting Hisbul Wathan inggih menika cara baris berbaris. Kados ingkang dipun tindakaken dining warganing hisbul wathan sd muhammadiyah condong catur menika. Ing sak tengahing acara kemah prestasi mandiri utawi presma menika, para siswa ugi dipun gladi cara baris ingkang leres. Acara presma piytambak dipun sartani dining 164 siswa kelas 5, kanthi tujuan kajawi mujudaken salah setunggaling kupiya kangge mujudaken jiwa mandiri tumrap parta lare, ugi ngemot setunggaling piwucalan mliginipun raos beduli tumrap sesami, lan gotonmg royong. Kajawi baris berbaris, ing kemah prestasi mandiri menika ugi dipun adani manekawerni krida wiwit saking gladen kemandirian, api unggun, jurit malam, lan manekawerni pasugatan kesenian ingkang dipun paragaaken dining para siswa. Pangarsa sd muhammadiyah condong catur sulasmi ngandarekn, kemah prestasi mandiri utawi presma menika mujudaken krida ingkang diupun adani ajeg saben tahun. Kajawi nglatih jiwa mandiri pribadi, kanthi nyartani krida menika saget nglatih jiwa tanggung jawab para siswa. Ingkang tundanipun saget nglahiraken generasi muhammadiyah sejati.
