TVRI YOGYAKARTA NEWS-JATMIKO HADI
Atusan lare saking sawetawis sekolah ing laladan Kabupaten Kulonprogo nyartani pasanggiri kesenian tradisional beksan lan angklung, ingkang dipun adani ing Stadion Cangkring Kulonprogo.
Kados mekaten menika swasananipun pasanggiri seni tradisional kanthi irah – irahan talent competition, ingkang dipun gelar ing Stadion Cangkring Kulonprogo sawetawis wekdal kapengker. Ing krida menika wonten kalih jinis pasanggiri ingkang dipun gelar, inggih menika beksan lan angklung. Kajawi minangka paring srana dumateng para pasarta ing saklebeting nyegahaken kaprigelanipun nalika beksan lan angklun, krida menika ugi mujudaken salah setunggaling kupiya kangge tumut nglestantunaken piranti musik tradisional lan beksan tradisonal ingkang mujudaken tilaranipun para leluhur. Galuh yuliawan minangka pangrasa nitinya talent competition ngandaraken, bilih lumantar krida menika kaajab saget nglatih jiwa tanggel jawab, mandoireng pribadi lan yakin dumateng pribadinipun.
Wonten 78 klempakan ingkang mujudaken para siswa tataran paud lan sd ingkang nyartani kroda menika. Saben saben klempakan dumados saking 24 siswa. Para pasarta ingkang sasab ing pasanggiri menika bade pikantuk bebingah lan trophy saking nitinya.
