TVRI YOGYAKARTA NEWS-JATMIKO HADI
Sawetawis kadang pambudidaya ulam lele ing laladan Kabupaten Kulonprogo sami sambat, awit inggilipun regi pakan ulam ing pekenan. Kawontenan menika ndamel katah kadang pambudidaya lele nemahi kapitunan.
Salah saweneh kadang pambudidaya ulam lele saking Dusun Selong Palihan Temon Kulonprogo hardono waleh, inggiling regi pakan ulam ing pekenan menika sampun dumados wiwit sawetawis wekdal kapengker. Menawi padatan pengaosing pakan ulam menika 356 ewu saben sak ipun, sakmenika mindhak dados 365 ewu rupiyah saben sak ipun. Regi kasebat mboten timbang kaliyan pengaosing ulam lele ing tataran kadang tani ingkang dipun aosi 18 dumugi 20 ewu kemawon saben killonipun. Awit saking menika hardono kapeksa kedah ngirangi gunggung ulam lele ingkang dipun budidayakaken, saking 100 ewu ulam lele, dados namung 60 ewu ulam lele kemawon. Piyambnakipun ugi nyebataken bilih ingghiling regi pakan ulam lele menika, ndamel sawetawis kadang pambudidaya ulam lele ing laladan Kabupaten Kulonprogo bangkrut.
Miwiti usaha budidaya ulam lele wiwit tahun 20210 kapengker, hardono dumugining wekdal sakmenika gadahi 50 kolam terpal kangge mbudidaya ulam lele. Kanthi gunggung kasebat saben dintenipun piyambakipun saget pikantuk asil panen 2 dumugi 3 kwintal ulam lele. Piyambakipun ugi bahde nyobi budidaya ulam nila, kangge ngawekani saya inggiling pakan ulam lele.
