TVRI YOGYAKARTA NEWS-MUHAMMAD RIDWAN
Asil panen pantun kadang tani Padukuhan Yapah Kalurahan Sukoharjo Kapanewon Ngaglik ing mangsa tanem sepisanan menika asilipun langkung maremaken, kabandingaken kaliyan mangsa panen sakderengipun.
Saking asil ubinan ingkang dipun tindakaken dining klempakan tani sedio utomo padukuhan yapah ing mangsa panen sakmenika, saben hektaripun pikantukl 8 ton gabah, lan saking 15 hektar lahan pikantuk 30 ton gabah. Warganing klempakan tani sedio utomo kris intoro ngandaraken, bilih asil panen ing mangsa panen sakmenika ingkang maremaken menika, mboten uwal saking pangrimatanipun kadang tani ing saklebeting budidata taneman pantunipun. Ing mangsa tanem kapengker kadang tani ing laladan menika sami nanaem pantun farietas ciherah lan inpari, ingkang dipun pitados gadah kaluwihan tahan saking ama lan sesakit, sarta gabahipun mentes – mentes. Padatanipun asil panen pantun warganing klempakan tani sedio utomo padukuhan yapah menika dipun sade ing tengkulak kanthi pengaos 10 ewu rupiyah saben kilonipun. Regi kasebat langkun andhap kabandingaken dipun sade ing peken ingkang ngacik 12 ewu rupiyah saben kilonipun.
Sawetawis menika dukuh yapah joni pranatan nelakaken, ngajeng mangsa ketiga tahun menika, piyambakipun sampun ngadani pirembagan kaliyan kadang tani ing laladanipun supados toya irigasi saget radin lan kacekapan. Salah setunggalipun inggih kanthi cara giliran.
Supados asilipun saget maksimal, ing mangsa ketiga samangke padatanipun kadang tani sami gantos taneman pantunipun mawi taneman palawijo.
