TVRI YOGYAKARTA NEWS-WIDI-HARIF YUDHA
Para pamirsa, kajawi tikus, taneman pantun gadhahanipun kadang tani ing laladan Sampangan Wirakerten, Banguntapan, Bantul saperangan katrajang wontenipun walang sangit, saengga ndamel who pantun dados kopong.
Walang sangit mujudaken salah setunggaling ama ingkang saged ndamel kapitunanipun kadang tani ingkang nanem pantun. Ama menika ngerbaa wiwit taneman pantun mrekatak engga wosipun mateng susu, lan dumugining wekdal samenika mboten wonten varietas pantun ingkang tahan saking ngrebasaning walang sangit menika. Walang sangit padatanipun gesang ing suket menapadene asem-aseman ingkang tuwuh ing sakiwatengening lahan pesabinan, menawi taneman pantun wiwit mrekatak nembe pindah ing lahan taneman pantun. Walang sangit menika nyerot wos pantun ingkang sampun mrekatak wusananipun who pantun dados kopong. Menawi taneman pantun dipun rebasa walang sangit, lan mboten enggal–enggal dipun kendaleni saged ngedhaken produksi engga selangkung persen. Kangge ngirangi kapitunan awit ngrebasaning ama walang sanit menika, purjinem saweneh kadang tani saking sayegan langkung greteh anggenipun nggulawenthah taneman pantunipun. Cara ingkang katindaken inggih menika nyukani rabuk kanthi sae lan radin supados taneman saged tuwuh seragam, tansah ngresiki suket utawi asem-aseman ingkang tuwuh ing sakiwatengening lahan saengga mboten dados panggenanipun walang sangit, sarta nyukani kapur barus ing lahan. Kajawi menika piyambakipun ugi nyemprot walang sangit mawi insektisida, ingkang katindaken wanci enjing, saben kalih dinten sepisan. Purjinem ndugi bilih kawontenan cuaca kados wekdal samenika ingkang ndamel ngrembakaning walang sangit. a
