TVRI YOGYAKARTA NEWS – WIDI-HARIF YUDA
Para pamirsa, kajaawi dados sumber karbohidrat, kacang kara benguk kanyata ugi saged dipun olah dados manekawerni olahan. Who ipun ugi saged dados penggantos dangsul. Taneman kara benguk menika sampun wiwit dipun budidaya kanthi intensif dening kadang tani ing Sedayu Bantul,
Salah setunggaling laladan ingkang kadang taninipun sami nanem kara benguk kanbthi intemnsif inggih menika ing Cawan, Argorejo Sedayu Bantul. Taneman kara benguk gadhahanipun pardi menika dipun budidaya tumpang sari kaliyan jagung, tela pohung kepara palm sadang. Wonten atusan kara benguk ingkang mrambat ing taneman, tegakan ingkang tuwuh subur lan ugi sampun produktif. Ing saklebeting nanem kara benguk menika mboten mbetahaken cara pangrimatan ingkang mirunggan, dipun jaraken kemawon sampun saged tuwuh kanthi subur. Sinaosa mekaten supados samangkenipun asilipun saged maksimal, hardi wiyana ing saklebeting nanem kara benguk katidaaken kanthi intensif wiwit saking ngolah lahan, nyawisaken winih, pangrimatan sarta pasca panenipun. Saderenguipun dipun tanemi ,lahan ingkang wonten dipun paculi lngkung rumiyin lan dipun resiki gulmanipun. Ing luwangan ingkang badhe kangge nanem dipun sukani rabuk kandhang arupi bucalan lembu .sawetawis winih ingkang dipun ginaken piyambakipun ndeder piyambak wiji ingkang sampun tuwa lan garing. Sasampunipun tuwuh udakawis sedasanan sentimeter, nembe dipun pindah tanem ing alahan. Miturut pardi, ama ingkang asring ngrebasa tneman kara benguk ing vmenika walang ingkang mangan peranganing ron. Kangge ngendhaleni ama kala wau padatanipun ngginaken insektisida ingkang dipun semprotaken langsung. Kajwi walang sesakit ingkang doipun waspadani inggih menika tuwuhipun jamur, cara ngendhaleni cekap dipun semprot mawi funmgisida supados mboten nyebar ing taneman sanes, taneman kara benguk menika sampun wiwit mawoh nalika umur sekawan engga gansgal wulan, asiling who kara padatanipun denig warga ,kajawi dipunsade ing peken ugi dipun olah dados tempe benguk. Ing peken who kara benguk garing dipun kerta aji wolung ewu rupiyah.
