TVRI YOGYAKARTA NEWS – WIDI – HARIF YUDA
Para pamirsa, taneman sono keling wekdal sakmenika sampun wiwit langka, kosok wansulipun panyuwuanan peken kangeg bahan industri mliginipun mebel tansaya inggil. Awuit saking menika budidaya taneman sono keling gadhah pangajeng-ajeng ingkang sae.
Sonokeling ingkang gadhah nama latin dalberga latifolia mujudaken salah setunggaling jinis tamena wana ingkang dipun remeni dening masyarakat ing saklebeting negari menapadene mancanegari. Kajeng sana keling ingkang gadhah werni cemeng, atos, sarta serat ingkang endah gadhah bobot ekonomi ingkang inggil. Awit saking menika kajeng sono keling gadhah kalodhangan menawi dipun budidayaaken jalaran dados pilihan ing saklebeting industri kerajinan mebel. Taneman sono keling kathah tuwuh ing pareden menapadene ing sak pinggiring galengan, lan dereng dipun budidaya kanthi mirunggan. Salah setunggaling laladan ing kulon progo ingkang kathah taneman sono keling inggih menika ing pareden menoreh mliginipun ing padusunan kebon rama, giripurwo, girimulyo. Taneman sono keling inkang kathah tuwuh ing tegalan lan pekawisan menika mboten dipun tanem kanthi mirunggan dening warga, ananging tuwuh saking oyot wit sono keling ingkang sampun wonten. Tukini saweneh warga mratelaken bilih setunggaln kibik kajeng sono keling kanthi bobot ingkang sae, reginipun ngancik tigang dasa yuta rupiyah. Taneman sono keling menika kapetang dangu agengipun. Wit kanthi diameter tigang dasanan senti meter kemawon, mbetahalen wekdal langkung saking seket tahun. Awit saking menikaantaiwispun tuwuhing taneman kaliyan panyuwunan peken ingkang mboten imbang ndayani taneman sono keling sampun wiwit langka. Tukini piyambak ugi sampun wiwit nindaaken usaha budidaya sono keling, kanthi cara mindhah tanem tukulan –tukulan sono keling ing lahan ingkang tasih suwung. Ing saklebting budidaya sono keling menika ugi dipun rimat kanthi estu wiwit nyukani rabuk, sarta ngendhaleni amanipun. Sinaosa tukini derng saged ngraosaken asilipun ing wkdal sakmenika, ing pangangkah putra wayahipun, samangke saged ngraosaken asiling budidaya sono keling ingkang dipun tanem bapa biyungipun.
