TVRI YOGYAKARTA NEWS – WIDI-YUDHA
Embung imogiri menika dipun bangun kanthi ancas lan tujuwan, kangge ngawekani bena ingkang asring nrajang ing papan padununganipun warga masyarakat ngepasi lepen celeng luber, ngiras pantes nglestantunaken sumber toya. Embung ingkang dipun bangun wiwit tahun kalih ewu sangalas menika sak menika sampun purna, kantun nengga srah tinampen saking bebadan ingkang kawogan dhumateng pihak ingkang kajibah ngemonah. Kawuningana bilih embung menika lebetipun kalih welas meteran lan wiyaripun ngancik gangsal ewonan meter pesagi. Nanang setiawan saweneh warga ngandraken bilih embung menika gadhah mupangat ingkang ageng tumprapipun warga masyarakat, nguningani ing wulan april tahun kalih ewu sangalas dumados bena ingkang ngelebi papan padununganipun warga. Kanthi wontenipun embung menika, toya saking lepen celeng saperangan saged katampung ing embung menika.
warga ugi gadhah rantaman bilih ing tembe ngajengipun, embung imogiri menika nugi badhe dipunb dadosaken jujugan wisata. Wekdal sakmenika, pugi dipun jangkepi wontenipun manekawerni srana wiwit saking wontenipun gasebo, wande lan lahan parkir. Nanang ugi ngahndaraken bilih, ing pungkasaning wekdal menika sampun kathah warganing masyaraklat ingkang ugi ngendhangi embung imogiri menika, mliginipuning dinten setu lan minggu. Kepara ugi sampun kathah komunitas pit onthel ingkang ngendhangi papan mehika. Ing tembe ngajengipun tta klola badhe katindaken dneing warga masyarakat mliginipun para wiranem, ingkang wusananipun ugi badhe namabh raharjaning warga .
