TVRI YOGYAKARTA NEWS – WIDI-YUDHA
Krida gelar karya ingkang dipun adani ing sd satu trirengga bantul menika kangge nanyengkuyung proyek penguatan profil pelajar pancasila, ingkang wonten ing kurikulum merdeka belajar. Ing acara menika menika sedaya siswa wiiwt saking kelas setunggal engga kelas enem dipun embetaken ing market day sarta gelar seni. Pihak pawiyatan nyawisaken tenda lan stand kange para siswa ingkang sesadeyan kuliner lan asil karya kerajinan tangan. Gelar karyta ingkang dipun adani menika mujudaken salah setunggaling proyek kewirausahaan, ingkang ngemu tujuwan kangge nepangaken siswa sinau kewirausahaan lan nggladi raos sesarengan, gotong royong utawi life skill. Ing saklebeting pangejwantahan kurikulum merdeka belajar pasarta didik ugi dipun wucalaken ing bababagan ngolah daharan, milih dahran ingkang sae, cara ngolahipun engga saged mekenaken asilipun. Proyek penguatan profil pelajar pancasila utawi ingkang asring dipun cekak p-5 ingkang kababar ing market day, mujudaken setunggaling langkah ing saklebeting ngetrepaken enem irah-rahan ing proyek penguatan profil pelajar pancasila, lan kewirausahaan salah setunggalipun. Kajawi menika ing krida menika para pasarta didik ugi mbabar olah kaprigelan ing donyaning seni. kajwi sinengkuyung sedaya jajaran pawiyatan, krida ingkang dipun adani menika ugi sinengkuyung dening para tiyang sepuhipun para siswa.
