TVRI YOGYAKARTA NEWS – JATMIKO HADI
Kadang tani sawi saking laladan Depok Panjatan Kulonproo parmin nelakaken, bilih ing mangsa ketiga menika piyambakipun nanem sawi ing lahan kanthi wiyar 500 meter pesagi. Asilipun ugi maremaken, piyambakipun saget pikantuk asil ngancik 1 kwintal sawi saben panen. Gunggung kasebat langkung katah kabandingaken kaliyan asil panen sakderengipun ingkang namun nol koma 8 kwintal sben panen. Sinasoa asil panen sawi gadahanipun sae, ananging parmin kedah nampi kasunyatan awit mandhapipun regi sawi ing pekenan. Sakmenika pengaosing sawi ing tataran kadang tani namung 4 ewu rupiyah saben sekilonipun. Regi kasebat langkung andhap kabandingaken kaliyan regi padatan ingkang ngancik 5 ewu rupiyah saben kilonipun. Piyambakipun dui mandhapipun regi sawi menika amargi katahipun stok sawi ing pekenan amargi mlebet ing mangsa panen.
Taneman sawi katah dipun tanem dining kadang tani ing mangsa ketiga. Kajawi pangrimatanipun gampil, mangsa panen sawi menika ugi cekak namung 40 dinten kemawon.
