TVRI YOGYAKARTA NEWS – SETYA BUDI
Ing saktengahin kemajenganing jaman, dumjgining wekdal sakmenika kerajinan gangsa tasih lestantun . Dipun betahaken raos sabar lan tlatos ing saklebeting ndamel gangsa, amargi wekdal ingkang dipun betahaken ing saklebeting ndamel setunggal prangkat gangsa mekaten ugi dangu, ngancik 4 dumugi 5 wulan.
Kados mekaten menika kridanipun mardi pengrajin gangsa ing laladan playen Gunungkidul. Ing griyanipun menika piyambakipun ndamel manekawerni jinis gangsa. Asil karyanipun mardi menika ugi sampun kawentar mboten namung ing laladan diy kemawon ananging ugi sak jawining laladan. Mardi amiwiti pakaryan dados pengrajin gangsa wiwit tahun sangangdasanan, lan anggenipun sinau inggih namung kanthi otodidak kemawon. Manekawerni gangsa dipun asilaken dining mardi wiwit saking gong, bonang, demung, lan gender. Mardi ugi ndamel gangsa ingkang ginakaken bahan kajeng, antawisipun kendang, lan gambang. Mardi ngandaraken bilih ing sklebeting ndamel sak perangkat gangsa menika dipun betahaken raos sabar lan tlatos, amargi betahaken wekdal ingkang dangu. Pandameling setunggal set gangsa menika mbetahaken wekdal engga 5 wulan wiwit sakiong milih bahan engga dipunkintun dumateng lengganan. Saben tahunipun mardi saget ndamel gangsa engga tigang set.
Pengaosing setunggal set utawi setunggal prangkat gangsa menika ugi benten – benten watawis 50 yuta dumugi 65 yuta rupiyah, gumantung kaliyan bahan baken ingkang dipun ginakaken.
