TVRI YOGYAKARTA NEWS – MUCHAMAD RIDWAN
Katah kupiya ingkang saget dipun tindakaken kangge mupangataken pekarangan griya, salah setunggalipun inggih menika kanthi nanem tela kuning. Kajawi dipun konsumsi piyambahk, tela kuning ugi saget dipun sade.
Salah saweneh warga ingkang nanem tela kuning ing lahan pekaranganipun inggih menika Supani, warga Kalurahan Lumbung Rejo Kapanewon Tempel Sleman. Piyambakipun langkung milih nbanem tela kuning amargi kajawi pangrimatanipun gampil, pengaosipun ugi langkung inggil kabandingaken junins tela sanesipun. Kajawi umbinipun, ron taneman tela kuning ugi saget dipun mupangataken. Ron tela kuning menika saget dipun panen ing umur 4 wulan, lan sget dipun panen engga kaping sekawan. Piyambakipun ngandaraken bilih anggenipun nanem tela kuning menika ugi namung gampil. Tataran sepisanan inggih menika taneman tela kuning ingkang sampun tuwa dipun kethok – kethok udakawis 30 sentimeter. Saklajengipun dipun tanem ing siti kanthi lebet udakawis 15 sentimeter kemawon. Ananging sakderengipun dipun tanem, kedah dipun gatosaken kawontena sitinipun. Siti ing pekarangan griya dipun gemburaken rumiyan kanthi dipun paculi. Sak sampunipun dipun ceblokaken ing siti, pangrimatanipun taneman tela kuning menika cekap dipun sirami kanthi ajeg supados saget tuwuh kanthi maksimal. Tela kuniing menika sampun saget dipun panen sak sampunipun umur 6 wulan.
