TVRI YOGYAKARTA NEWS – HENDRY – ABDUL ROHIM
Mupangataken lahan kothong ingkang wonten ing sabinipun, saweneh kadang tani ing sanden Bantul nindaaken budidaya taneman waluh. Asilipun ugi sae, lan anggenipun ngrimat ugi gampil kepara dipun jar-aken kemawon tuwuh subur.
Taneman waluh sampun dangu dipun dadosaken minangka kangge sumbering pangan. Taneman waluh meiak kathah jinisipun wonten ingkang bunder ageng, wonten ingkang alit ingkang kawastanan waluh kenthi utawi golden mama, ananging ugi wonten ingkang blegeripun lonjong. Rikala jaman rumiyin, waluh menika kathah dipun budidayaaken dening warga masyarakat, kangge njagi ketahanan pangan kulawarga. Sawenehw arga ing bantul mupangataken lahan olahtetanenpun dipuntanemi waluh. Kepara anggenipunnanem mboten ing lahan ingkang mlighi ananging dpun dadosaken pager lahan olahtetanen lombok gadahanipun. Anggenipun nanem smapun katindaaken sawetawis wekdla lan ing wekdalsakmenika msapun mawoh kanthi gunggung ngkang kathah. Ing saklebeting nanem waluh menika, namung dipun lanjaraken ing pring ingkang dados pager lahan olah tetanenipun. Ingkang dipun tanem mujudaken waluh umumipun ingkang gadhah ukuran ageng, saben ijinipun wonten ingkang ngancik sedasanan kilogram kanthi cakrik bunder. Caraning budidaya waluh menika gampil sanget, saged dipun tanem lumantar wijinipun ingkang sampun tuwa. Taneman menika mboten mbetaheken pangrimat ingkang mirunggan, sawetawis ama ingkang kedah dipun waspadani namung kepik lan uler. Taneman waluh menika sampun saged mawoh rikala umur tigang wulan saking tanem. Woh ingkang sampun tuwa werninipun dados jene enem. Kajawi dipun tanem ing lahan konvensional, ugi saged dipun tanem ngginaaken anjang-anjang pramila ugi saged dipun dadosaken taneman pasren. Kados waluh sanesipun, waluh menika saged dipun olah dados manekawerni olahan, lan raosipun ugi mboten kawon kaliyan olahan saking terigu. Waluh menika ugi saged kangge panggantosing sumber karbohidrat. Woh waluh menika ugi saged dipun simpen engga tahunan satemah saged kangge simpenan lan njagi ketahahan pangan.
