TVRI YOGYAKARTA NEWS – ADI – WENDY
Saking sakathahing varietas rawit unggulan, rawit jinis gorga dados komoditas unggukan ingkang dipun remeni dening kadang tani. Kejawi asilipun sae, rawit menika ugi awet mboten gampil bosok sasampunipun dipun panen.
Kados ingkang kawuningan bilih taneman lombok menika mujudakan taneman ingkang ringkih sanget menawi kekathahen toya menapa malih ing mangsa rendheng, kadang tani kedah langkung ngatos atos anggenipun ngrimat. Nanging mlebet ing purwakaning mangsa ketiga, kadang tani padatanipun sampun milih taneman lombok ingkang kiyat ama pathek kadoste jinis lombok unggukan varietas gorga, saweneh kadang tani ingkang nindaakeen budidaya taneman lombok gorga ngandaraken bilih taneman lombok jinis meika mboten gampil katerak virus bule utawi jene. Saged kawuningan. Inggih sesakit menika ingkang ndamel perangan ron dados kunting lan jene ingkang lajeng mangaribawani tuwuh mekaring taneman lombok. Ananging menawi kapandingaken kaliyan lombok ori, lombok gorga menika ukuranipun langkung ageng ananging teksturipun kirang atos kados lombok ori. Supados mboten gampil risak awit kenging toya ingkang kathah menapa asring, mila kadang tani ndamel bedengan langkung inggil kaliyan padatanipun, ing pangajab menawi wonten embun menapa dene sisa grimis toyanipun mboten ngembeng ing lahan. Kadosdene lombok sanesipun, lombok gorga menika saged dipun panen makaping kaping temtu gumantung kaliyan pangrimatanipun. Menggahing kadang tani, taneman lombok taksih dados piyandel olah tetanen amargi panyuwunan ingkang inggil. Sanadyan pengsoipun mboten ajeg ananging kanyata bab menika mboten mangaribawani krentegipun kadang tani mbudidaya taneman lombok kangge nambah wulu wetu.
