TVRI YOGYAKARTA NEWS – MARGO LARAS
Atenan woh kates kalifornia ingkang dipun tanem dining salah saweneh kadang tani ing Bantul wohipun malih dados jene sinaosa dereng mateng. Kadang tani lajeng nyebat kates menika kates bule.
Lahan budidaya kates gadahanipun Sudarsono saking laladan Dusun Sawahan Sumberagung Jetis Bantul, ketingal benten kaliyan kebon kates padatanipun. Taneman kates kalifornia ingkang dipun budidaya wohipun werninipun jene, sinaosa tasih enem. Sudarsono pyambak mboten mangertosi menapa ingkang dados pawadan taneman kates kalifornia gadahanipun benten. Kamangka winih kates menika dipun pendet saking taneman kates kalifornia ingkang sampun dipun tanem dining piyambakipun sakdangunipun 7 tahun. Awit saking werni wohipun menika, Sudarsono lajeng nyebat kates menika kates bule. Sinaosa mbotenkados padatan, ananging raos lan teksturipun kates bule menika ugi sami kaliyan kates kalifornia, inggih mneika manis lan seger. Menawi sampun mateng, woh kates menika werninipun dados oranye.
Kates kalifornia menika pengaosipun langkung mirah kabandingaken kaliyan kates kalifornia padatan. Menawi kates kalifornia umumipu pengaosing ngancik 4 ewu rupiyah saben kilonipun, ananging kates kalifornia bule menika pengaosipun namung 2 ewu dumugi 3 ewu rupiyah saben kilonipun.
