TVRI YOGYAKARTA NEWS – JATMIKO HADI
Salah setunggaling taneman ingkang saget dipun tanem ing pekarangan griya inggih menika jipir jumbo. Kajawi saget dipun olah piyambak, cipir jumbo menika ugi saget dipun sade kangge namabah wulu pamedaling kulawarga.
Sugiyah salah saweneh warga saking Dusun Jarakan Kebonharjo Samigaluh Kulonprogo menika, nanem cipir jumbo menika wiwit sawetawsi wekdal kapengker. Sak tleraman taneman cipir ingkiang dipun tanem ing pekarangan griyanipun menika sami kaliyan woh cipir padatan, ananging menawi dipun setitekaken kanthi estu taneman cipir menika ukuranipun langkung ageng lan panjang kabandingaken kaliyan cipir padatan, saengga kawastanan cipir jumbo. Setunggal woh cipir menika ukuran diameteripun ngancik 2 sentimeter lan panjang ipun ngancik 30 sentimeter. Sugiyah ngandaraken supados tuuhipun saget maksimal, anggenipun nanem cipir jumbo menika kedah ginakaken anjang – anjang. Sawetawis pangrimatanipun cekap dipun sirami kanthi ajeg lan kacekapan saking sinaring surya.
Cipir piyambak saget dipun olah kanthi manekawerni cara wiwit saking namung dipun godog kemawon engga dipun olah dados urap, lan dipun oseng. Woh cipir menika ugi gadahi saetawis mupangan tumrap badan, antawisipun ningkataken imun, ngobati peradangan engga sesakit pencernaan.
