TVRI YOGYAKARTA NEWS – SETYA BUDI
Dasanan kadang tani irigasi ing dusun Gelaran ing laladan wisata goa pindul, ing purwakaning mangsa ketiga menika sami nanem pantun. Kadang tani sengaja nanem pantun ing mangsa ketiga amargi ngrebasaning ama lan sesakit langkung sekedhik.
Menggahipun kadang tani irigasi ing gelaran gunungkidul, mangsa ketiga menika nyarengi mangsa tanem pantun kaping kalih ing laladan menika. Ing laladan menika kadang tani langkung remen nanem pantun ing mangsa ketiga amargi mboten katah ama lan sesakit ingkang nerak taneman pantun, kabandingakehn nalika mangsa rendeng. Slamet salah saeweneh kadang tani irigasi ngandaraken, bilih ama wereng lan walang sangit ingkang padatan ngrebasa taneman pantun ing mangsa ketiga, langkung saget dipun awekani nalika nanem pantun ing mangsa ketiga. Saengga beya pangrimatan ingkang kedah dipun dalaken dining kadang tani ugi langkung sekedhik. Sawetawis kangge nyekapi kabetahan irigasi ing saklebeting amngsa ketiga menika, piyambakipun mupangataken irigasi saking goa pindul. Piyambakipun gandaraken bilih saking sekawan petak lahan, saget ngasilaken 11 sak gabah.
Ing mangsa tanem sakmenika, kadang tani irigasi nanem manekawerni varietas pantun wiwit saking jinis mapan, supadi, engga varietas ciherang.
