TVRI YOGYAKARTA NEWS – SETYA BUDI
Kapangaribawa mangsa ketiga lan winatesing toya irigasi, lahan olah tetanen gadahanipun kanag tani ing laladan kalurahan song banyu kapanewon Girisubo Gunungkidul mboten saget dipun olah.
Ing mangsa ketiga tahun menika, kadang tani ing laladan pesisir sadeng girisubo gunugkidul mboten saget ngolah lahan pesabinanipun, amargi toya irigasi kangge ngocori lahan sabinipun sakmenika asat. kawontenan menika ndamel taneman palawija ingkang dipun tanem sawetawis wekdal kapengker emnika mboten saget tuwuh kanthi maksimal,kepara ugi wonten ingkang sami pejah. boimin salah saweneh kadang tani ing laladan menika waleh, bilih winatesing toya irigasi ing laladan menika sampun dumados wiwit purwkaning tahun menika. sinaosa sawetawsi wulan kapengker mlebet mangsa jawah, ananing ing laladan menika gunggungipun jawah ingkang mandhap mboten kados tahun sakderengipun. kepara jawah dereng ingkang mandhap ing laldan menika kintun piyambak dumados ing wulan januari kapengker. kanthi kawontenan kasebat sakmenika kadang tani ing laladan song banyu namung saget pasrah, lan supados mboten bera, ing sabiipun sabagean kadang tani nanem suket kangge pakan ternak.
Kadang tani ngajab dumateng pamerintah saget paring pambiyantu dumateng kadang tani ing laladan song banyu kanthi ndamelaken sumur bor kangge nyekapi kabetahan toya irigasi sakdangunipun mangsa ketiga.
