TVRI YOGYAKARTA NEWS – WIDI – YUDHA
Sawetawis menika, perajin lurik ing wekdal samenika sami ngadhepi pepalang ing babagan regenerasi. Wiranem mboten sami purun makarya ing kerajinan cita lurik.
Kados mekaten menika kridhaningh para pedamel cita lurik ingkang makarya ing setunggaling pengrajin lurik ing laladan Krapyak Wetan Panggung Harjo Sewon Bantul. Saking tigang dasanan pedamel, saperangan ageng yuswanipun sampun sepuh langkung saking sewidak tahun. Pak wasir umpanipun, yuswanipun sampun ngancik wolung dasananan tahun, ewasemanten piyambakipun tetep greget makarya ing saklebeting nglampahaken alat tenun bukan mesin utawi atbm. Sedintenipun piyambakipun saged ngrampung aken sekawan dumugi gansal meteran cita lurik kanthi wiyar pitung dasanan sentimeter, sawetawis menawi wiyaripun cita satus sedasa sentoiimeter namung udakawis tigang meteran kemawon. Pak Wasir sampun makarya dados pedamel ing kerajinan lurik menika langkung saking kalih dasanan tahun. Ngepasi pikantuk pesenen ingkang kathah, dadosaken radi keponthla-ponthal. Kawontenan ingkang mekaten menika ndamel usaha lurik, ing papan menika ingkang wigati saged lumampah kemawon. Usaha kerajinan lurik ing ppan menika, jalaran kepingin tetep nglestantunaken warisan leluhur. Kangge ndudut kawigatosaning para wiranem supados purun makarya afrian irfani sampun nindaken tembayatan kaliyan pawiyatan, menapadene ngadani pelatihan, ewadene dumugining wekdal menika dereng kasembadan menapa ingkang dados kekajenganipun wau. Nguningani bilih lurik mekaten mujudaken warisan leluhur, sedaya warganing masyuarakat mliginipu wiranem kedah rumiyin remen, nresnani ingkang saklajengipun tumut nguri-uri.
