TVRI YOGYAKARTA – NEWS – HENDRY – ABDUL R
Taneman hias gunggunipun tansaya kathah. Kados wonten mangsanipun piyambak-piyambak sekar menapa ingkang kathah dipun remeni dening ngakathah. Ananging wonten steunggaling jinsis sekar ingkang kanyata sutresnanipun ajeg. Salah setunggalipun inggih menika taneman sekar hoya. Taneman menika kalebet jinis taneman anggrek ingkang mujudaken taneman ingkang nggadahi cakrik lan wrni ingkang benten-benten. Taneman hoya menika sipat gesangipun epipit ing setunggaling wit. Jinis taneman menika kathah tuwuh ing wana lan sumebar ing saindenging nuswantara. Sri saweneh warga ing imogiri bantul nanem taneman hoya menika wonten ing pekawisan griyanipun kanthi dipun rambataken. Taneman hias hoya menika sampun dados setunggaling taneman pasren ingkang sampun kathah dipun tanem lan gadhah bobot ekonomi ingkang inggil. Sekar hoya menika ukuranipun alit ananging menawi dipun pirsani kanthi permati gadhah werni lan cakrik ingkang endah. Cara mbabar taneman menika ugi namung gampil, cekap dipun stek lan dipun tanem ing media saking sitiumenapadene mos, cara ngrimatipun cekap dipun sirami ambal kaping kalih saben dintenipun, utawi ningali kawontenan medianipun.
