TVRI YOGYAKARTA – NEWS – ADI – WENDY
Salah setunggaling jiis tela ingkang dipun budidaya dening kadang tani inggih menika tela pulut. Tela pulut mujudaken setunggaling jinis tela kaspa ingkang nggadahi kelangkungan kapanding jinis sanesipun.
Tela kaspa jinis pulut benten kaliyan jinis sanesipun. Ukuranipun langkung alit, ananging raosipun langkung echa lan gampil sanget dipun olah dados manekawerni jajanan. Sardi kadang tani lahan gesik bantul ingkang sampun dangu nanem tela menika ngandaraken bilih, tela kaspa jinis pulut menika methok sanget dipun tanem ing mangsa ingkang mboten tinamtu kados sameniko. Tela menika kapetang gampil dipun upokara amargi namung mbetahaken rabuk urea. Menawi wonten perkawis ingkang kedah dipun pigatosaken inggih wekdal damel bedengan inggih meniko kedah radi inggil. Tundonipun menawi wonten jawah ingkang deres bedengan mboten kekembeng toya.ama ingkang asring nrajanh tela kaspa ketan ing antawisipun uret. Menawi dipun tedhi uret wit tela saget ambruk. Ananging kaleresan ing mangsa tanem menika mboten wonten ama ingkang ngrenasa taneman tela gadahanipun sardi. Menika amargi sardi greteh anggenipun ngrimat. Tela pulut menika dipun pekenaken ing laladan kulon progo lan kitha ngayogyakarta. Ron tela ingkang taksih enem ugi saged dipun sade ing griya dahar padang, sawetawis ingkang sampun tua dipun dadosaken pakan iwen. Tela ingkang ukuranipun alit dipun ginaaken kangge pakan ulam.
