TVRI YOGYAKARTA NEWS – HENDRY – ABDUL R
Budidaya taneman janganan buncis dados piy,andelipun kadang tani ing masga rendheng menika. supados asilipun tikel kadang tani nanem buncis kanthi cara tumpangsari kalian komoditi sanesipun.
Kados mekaten menika kawontenan ipun kebon buncis gadhahanipun saweneh kadang tani. ing mansga rendheng menika, taneman buncis ingkang dipun tanem lumantar cara tumpangsari kaliyan taneman tomat ketingal subur. supados asilipun panenan saget sae wonten perkawis ingkang kedah dipun gatosaken. sepisanan winih buncis ingkang badhe dipun tanem kedah dipun pilih ingkang sae, inggih menika ingkang asal-usulipun gen cetha, werninipun winih ugi resik, mboten kisut lan mboten bolong. menika nedahaken bilih winih kala wau winih ingkang saras. winih menika mirunggan sanget amargi saged nemtoaken tuwuhipun taneman ing mangkenipun. winih ingkang sae ugi badhe nggampilaken kadang tani anggenipun ngrimat taneman. asilipun panen ugi badhe sae, saya malih ing mangsa rendeng ingkang kathah mbeta ama sesakit tumrapipun taneman komoditas olah tetanen. taneman buncis mbetahaken sunaring surya ingkang kathah kanthi intensitas jawah ingkang cekap. buncis ugi ringkih sanget kaliyan toya ingkang ngembeng, pramila babagan menika kedah dipun pigatosaken kanthi estu. amargi buncis mekaten tuwuh kanthi marambat pramila betah lanjaran. buncis saged dipun panen sasampunipun umur kawan dasa gangsaldinten sasampunipun dipun tanem. woh buncis ingkang siyaga dipun panen inggih ingkang werninipun resik lan gilig. panenan saged dipun tindaaken saben kalih dinten sepisan. saged kawuningan, taneman buncis mekaten saged dipun panen dumugi kaping kalih dasa ing setunggal mangsa tanem. ama ingkang kedah dipun pigatosaken ing antawisipun kutu ingkang saged ngrisak perangan ron. ing lahan menika kadang tani ugi nindaaken budidaya tomat minangka kangge nambah wuluw etu ings teunggaling lahan.
