TVRI YOGYAKARTA NEWS – ADI NUGROHO – ENDAH
Kasilipun budidaya melon saestunipun mboten namung gumantung kaliyan bobot saening winih menapadene cara ngrimatipun ananging ugi gumantung kaliyan kawontenan cuaca. kadang tani melon ing laladan gesik bantul wedal sakmenika rumaos lega jalaran taneman melonipun langkung sae kapandingaken tahun kapengker.,
Kados mekaten menika wujudipun melon varietas galuh ingkang dipun budidaya dening suratman, ing kebonipun ingkang wonten ing lahan gesik laladan gesik cangkring bantul. melon ingkang umuripun sampun cumawis panen menika ketingal tuwuh subur, ronipun ijem lan jembar. semanten ugi wohipun, ketingal langkung ageng kapanding melon jinis sanesipun. kawontenan menika kosok wangsulipun kaliyan tahun kapengker. meh sedaya kadang tani melon, semangka sarta lombok lahan gesik bugel sami gagar panen jalaran tamennipun sami risak kenging cuaca ingkag mboten tinemmtu. kapitunan ugi mboten saged dipun etang malih saking kathahipun. naging rahayunipun, ing mangsa kados wedal menika dados berkah piyambak menggahing para kanca tani lahan gesik jalaran taneman ingkang dipun budidaya sami kasil kanti sae. surat,man waleh, melon galuh pancen kathah kelangkunganipun. ukuran wohipun ageng, raosipun manis sarta kiyat ngajengi sesakit.. sedaya babagan kala wau dados pawadan sawetawis kadang tani mbudidaya melon unggulan jinis menika., langkung tandes malih suratman ingkang sampun dangu mbudidaya melon menika ngandaraken, ing siti wiyar tigang ewunan meter persagi meniko, piyambakipun nanem sewu tigang atusan wit melon. suratman blaka bilih piyambakipun rumaos mathuk sanget milih winih melon vareiats honey dew. amargi menawi mboten, mbok bilih taneman melonipun samenika ugi sampun telas kenging ama sesakit, jalaran ugi tasih asring kenging jawah sinaisa ugi mboten kerep. kangge njagi supados nboten sansaya kathah wit melon ingkang risak malih, saben dinten kanti tlatos suratman ingkang dipun biyantu dening kadang tani sanesipun ajeg ngresiki gulma sarta nyemprot pestisida, fungisida sarta toya resik kanthi gilir gumantos. saged kawuningan, toya jawah ingkang sipatipun asam mekaten pancen dados sumering jamur lan bakteri patogen ingkang gesang ing salebeting siti.
