TVRI YOGYAKARTA NEWS – ADI NUGROHO – WENDY
Bayem abrit menika mujudaken setunggaling jinis janganan ingkang kathah dipun padosi amargi ngandet zat ingkang mupangat sanget menggahing badan. Mboten maiben bayem dados komoditas pinunjul jalaran kejawi reginipun sae, anggenipun ngrimat ugi gampil.
Kados mekaten menika taneman bayem abrit ingkang dipun budidayaaken dening saweneh kadangtani ing laladan lahan gesik bantul. Kados ingkang kauwningan bilih taneman bayem abrit menika nggadahi sakelangkung zat ingkang mupangat sanget dateng kasarasan badan. Sanadyan mboten kawentar kadosdene bayem ijem, ing saklebeting taneman menika ngandet vitamin a, b1, b2, c, mineral, zat besi, kalsium, mangan, fosfor lan skpiturutipun. Awit saking menika kathah warga masyarakat ingkang sakmenika sampun wiwit pados taneman nbayem abrit menika kangge dipun konsumsi ing saben dintenipun. Kadosdene taneman bayem ijem, taneman bayem abrit menika ugi kapetang gampil dipun budidayaaken. Langkung tandes piyambakipun ngandaraken bilih ingkang baken inggih menika nyiapaken lahan ingkang subur ingkang lajeng dipun campur kaliyan rabuk saking bucalan menda ingkangs ampun dipun fermentasi. Lan mangkeh ing umur ingkang smapun ngancik selangkung dinten taneman bayem menika smapun siap dipun panen, lan saged dipun panen makaping-kaping. Salah setunggaling pepalang ingkang dipun adhepi anggenipun mbudidaya taneman bayem abrit inggih menawi wonten jawah. Wontenipun jawah menika smapun ndayani tuwuhipun jamur ingkang nyerang ing perangan ron-ipun. Kejawi kangge kabetahan warga ing sakiwa tengenipun, asiling panen menika ugi dipun sade dateng peken modern.
