TVRI YOGYAKARTA NEWS – WIDI – YUDHA
Kangge nyekapi kabetahan pakan ing saklebeting nindaaken usaha peternakan menda lan lembu, kadang tani ing laladan girimulyo, kulonprogo nanem kaliandra ing tegalan lan pereng jurang. Taneman kaliandra menika ugi gadhah mupangat kangge nahan erosi.
Laladan giripurwo, girimulyo kabupaten kulon progo mujudaken setunggaling laladaningkang, saperangan warganipun nindaken usagha budidsaya peternakan mliginipun lembu lan menda etawa. Ing aklebeting nindaaken usaha budidaya ing donyaning peternakan kala wau pakan mujudaken setunggaling bab ingkang wigati kangge nemtokaken asiling usaha tani. Pakan kla wau kedah kacekapan sapanjanging tahun kanthi bobot ingkang sae. Kangge nyekapi kabetahan pakan kala wau, kadang tani kajawi ngginaken pakan arupi suket, rumput gajah, kalanjana engga odot ugi ngginaken ramban arupi kaliandra. Minagka salah setunggaling pakan alternatif kadang tani ing lladan menika ngginaken leguminosa wit minagka sumber protein inggil inggih menika taneman kaliandra. Usaha budidaya taneman klaiandra menika katindaken ing galengan-galengan menapa dene ing perenging pareden.kajawi dipun mupangatken kangge nyekapi kabetahan pajan ternakipun taneman kaliandra ingkang dipun tanem menika ugi gadhah mupangat kangge reboisasi, nahan erosi sarta kangge kajeng bakar. Taneman menbika saged kababar lumantar wijinipu8n ingkang sampun tuwa, ingkang langkung rumiyin dipun deder nembe dipun ppindah tanem sasampunipun inggilipun udkawis selangkungan sentimeter. Taneman kaliandra menika gampil adaptasi kaliyan lingkungan, saged tuwuh ing pasiten ingkang garing. Taneman menika sampun saged dipun mupangataken kange pakan ternak sasampunipun wiwit umur sekawan wulanan, nalika ronipun sampun ketingal ngrembuyung.
