TVRI YOGYAKARTA NEWS – HENDRY – ABDUL R
Kanggenipun sutresna taneman who-wohan, nggadahi setunggaling taneman ingkang kapetang awis lan langka mekaten mujudaken setunggaling karemenan, kadosta taneman who mame sapote.
Setunggaling karemenan utawi hobby mekaten pancen mboten saged dipun bendung nalika mrangguli setunggaling taneman who ingkang nggadahi bobot inggil, sae menika amargi taneman wau kapetang langka menapadene reginipun ingkang awis. Saking sakathahing jinis who ingkang wonten ing alam menika wonten setunggling jinis ingkang reginipun awis inggih menika mame sapote. Taneman menika asalipun saking negari meksiko. Who menika ugi katah dipun pragguli ing negari filipina, florida amerika sarat australia. Wujudipun who kados kesemek werni ijem nanging langkung ageng udakawis kalih on dumugi tigang ons awratipun. Sawetawis perangan ron-ipun kados ron duwet ananging langkung wiyar lan kaku. Taneman menika mlebet ing indonesia sampun sawetawis tahun kapengker, nanging jumbuh kaliyan lambapihng wedal, taneman mame sapote ugi lajeng sumebar dumugi saindenging nuswantara minangka taneman tabulampot. Toni saweneh bakul taneman who ing laladan klaten ngandaraken bilih taneman menika kathah dipun remeni denieng kolekor taneman. Sanadyan reginipun awis ananging taneman menika ugi sampun nggadahi pandhemenipun. Taneman menika prasasat awis –awis sanget kenging ama sesakit. Menawia wonten ugi namung walang. Menika kemawon gunggungipun ugi namung sekedhik jalaran ron mame sapote ingkang raosipun pait lan mboten dipun remeni uler menapa dene walang. Pangrimatanipun ugi kapetang gampil. Ingkang utami sampun ngantos telat anggenipoun nyirami toya, kedah dipun rabuk setungal wulan sepisan mawi rabuk kandang sarta npk.
