TVRI YOGYAKARTA NEWS – WIDIYANTA
Saking asiling cipta rasa lan karsa, saweneh pengrajin saking Bantul kasil angripta setunggaling kerajinan ingkang nyleneh saking klapa garing, arupis pepenthan sirah munyuk.
Kados mekaten menika wujudipun kerajinan ingkang dipun damel dening suyanto saking Dusun Wonorejo Kalih, Gadingsari, Sanden Bantul, arupi sirah munyuk saking klapa garing. Saking inovasi sarta daya kreatifitasipun menika, klapa garing menawi dipun sade namung pajeng gangsal dumugi wolung ewonan rupiyah, ananging menawi dipun damel kerajinan saged pajeng engga selangkungan ewu rupiyha., Suyanto piyambak ndamel kerajinan menika wiwit gangsal tahunan kapengker, asilipun kanyata ugi narik kawigatsoaning ngakathah pramila saged dipun dadosaken tambal sulam nyekapi kabetahan balegriyanipun, piyambakipun gadhah ada-ada ndamel kerajinan sirah munyuk saking klapa menika jalaran kathahing woh kalapa ingkang sami gogrok ing sakiwatengenipun, lan namung dipun jaraken kemawon satemah namung thukul dados cikal, sawetawis menawi dipun sade ugi namung mirah. Kawiwitan saking kawontenan ingkang mekaten wau saklajengipun piyambakipin nyobi ndamel kerajinan menika., menggah caranipun ndamel klapa garing dipun icali kulitipun, saklajengipun dipun papras ing perangan tinamtu kangge mbentuk cakrik setunggaling raining munyuk utawi kethek. Sawetawis menika kanggeb ngripta rambutipun Suyanto nggoinaken sikat mirunggan saking kawat. Sasampunipun menika dipun bentuk ing perangan mripat, tutuk kuping lan sakpiturutipun. Supados kadosdene pepenthan munyuk, tataran pungkasan, inggih menika dipun pasangi mripat saking plastik ingkang dipun tumbas dados. Kjawi sirah munyuk, Suyanto ugi angripta cakrik-cakrik sanesipun ingkang cakrikipun lucu-lucu. Asiling kerajinan menika dipun sade ing papan –papan wisata ing bantul menapadene dipun titip-titipaken ing toko souvenir.
