TVRI YOGYAKARTA NEWS – WIDIYANTA – GIMIN
Kangge anyengkuyung wontenipun desa mandiri budaya, pamarintah Kalurahan Sendangsari, pengasih Kulon Progo ngepyaakekn madeging sanggar seni Tri Sejati.
Seni lan budaya ingkang tuwuh ing saktengahing masyarakat mliginipun masyarakat jawi kedah dipun gatosaken lan dipun uri-uri, jalaran budaya mujudaken jati dhirining masyarakat. Seni lan budaya ingkang tuwuh lan ngembaka ing satengahing masyarakat sakjatosipun kebak piwucalan luhur lan aged mbangun karakter menapadene budi pekertining lare, nalika ngadhepi gesang ing sak madyaning bebrayan ageng, sanggar seni ingkang tuwuh ing tengahing masyarakat gadhah kalenggahan ingkang methok kangge njagi lestantuning budaya. inggih bab menika ingkang ndasari madhegipun sanggar tari Tri Sejati Dusun Mringgi Sendangsari, pengasih Kulon Progo. Lurah Sendang Sari Suhardi nalika ngepyakaken madeging sanggar seni Tri Sejati mratelaken bilih madheging sanggar seni trin sejati menika pikantuk kawigatosan ageng saking warga masyarakat ing Kalurahan Sendangsari. Bab ingkang mekaten menika kabukti kathahing lare lan wiranem ingkang anyartani gladhen seni ingkang dipun adani. Lurah Sendangsari ugi mbabar bilih wontenipun sanggar seni menika kajab saged anjurung lampahing Kalurahan Sendangsari minagka desa mandiri budaya.
Manekawerni seni budaya tradisional ingkang wonten ing sanggar seni Tri Sejati wiwit saking angguk, gejok lesung engga jathilan. Kanthi wontenipun sanggar menika saged dipun dadosaken papan kangge tepung, dunung lan srawung ing babagan kabudayan. saking sanggar menika kaangkah nyithak generasi panerusing budaya saengga lestantun lan saya ngrembaka. ing tembe ngajengipun sampun nagntos masyarakat jawi “Ora rumangsa duwe, ananging menawi dipun akeni dening ngasanes nembe gadhah raos kecalan”.
