Ing wekdal samenika seni Jathilan tuwuh kanthi ngrembaka ing pundi-pundi laladan kanthi maneka werni gagrak., salah setungalipun inggih menika klempakan saking dusun mrunggi, sendangsari, pemgasihj Kulon Progo.
Seni tradisionil Jathilan mekaten mujudaken setunggaling seni ingkang manunggalaken ing antawisipun beksan kaliyan magis. Pagelaran menika kados dene pagelaran seni sanesipun ingkang umumipun ugi nggadhai alur carios, inggih menika gambaraken setunggaling carios ingkang dipun ujudaken ing setunggaling beksan. Mkingka peranganing seni tardisioonal, gelar Jathilan menika ugi dipun jangkepi wontenipun manekawerni ubarampe utawi sesajen. Ridha seni tradisionil jathilan dipun purwakani kanthi ebahing badan lumantar tari-tarian utawi beksan. Paraganipun sami nitih turangga ingkang kadamel saking kepang lan dipun entha-entha kadosdene turangga, minangka jangkeping sarana kajawi busana ingkang sarwa gumebyar kadosdene busananing prejurit, paraganipun ugi mbeta pecut utawi pedhang minagka gamanipun., sawetawis minagka gamelanipun dumados saking kenong, gong, kempul engga kendang. Ananging kamaajneganing jaman ing pungkasaning wekdal menika ugi dipun tambah pirantos musik modern kadosta drum engga organ, lan ingkang langkung ndudut prana seni jathilan ugi wonten sinden nipun sawetawis tembang ingkang dipun sekaraken inggih lagu-lagu wekdal samenika..
Seni tradisionil Jathilan dipun purwakani kanthi lumebeting para paraga ingkang nindaken setunggaling bekasn kaprajuritan. Sasampunipun menika para paraganipun nembe nitih jaran kepang sinambi olah beksan kadosdene klempakan prejurit.
Ingkang ndamel suwasana langkung gigriging manah nalika para paraga karawuhan utawi kerasukan roh alus. Ing salebeting kerawuhan menika para paraganipun kadosdene mboten enget lan tansah jejgogedan jumbuh kaliyan wiramaning suwanten gamelan. Ingkang mboten saged katilaraken ing setunggaling kridha seni jathilan inggih menika wontenipun pawang utawi empom-empon. Pawang menika mujudaken dukun lan nggadhai jejibahan ngendhalekaken roh alus ingkang mlebet ing badanipun para paraga Jathilan. Para paraga ingkang sampun dados utawi karasukan ugi nindhaaken kridha mbebayani ingkang kadang kala mboten tinemu ing nalar, ing antawisipun nedha pecahan beling, silet, kepara lampu tanpa tatu menapadene ngraosaken sakit nalika dipun pecuti dening pawang. Lan nalika dipun pecut ngginaken pecut badanipun ugi mboten tatu, mboten namung paraga Jathilan kemawon ingkang kerasukan roh alus, kadang kala penonton ugi saged karasukan.
Salah setunggaling klempakan janthilan inggih menika klempakan Jathilan saking mrungi pengasih Kulon Progo. Warganiong klempakan Jathilan menika mboten namung kaum dewasa, ananging ugi para lare, kepara kaum pawestri. Mboten namung priya dewasa ingkang maragaaken ananging ugi kaum pawestri menapadene para lare. Tuwuh lan ngrembakaning seni tradisionil ing satengahing masyarakat ngayogyakarta temtunipun badhe saya nambah khasanah budaya ingkang ugi anyengkuytung kalurahan mruingi minangka desa mandiri budaya lan asung panyengkuyung Keistimewaan Yogyakarta.
