TVRI YOGYAKARTA NEWS – HENDRY – ABDUL R
Kerajinan saking bahan deling ingkang sampun dangu kathah dipun mekaraken dening para perajin ing Ngayogyakarta sakmenika sampun tansaya mekar, pesenanipun sampun dumugi ing mancanegari.
Kathah kerajinan deling ingkang dipun mekaraken dneing para perajin saking Ngayogyakarta. manekawerni bahan saking home dekor, peralatan rumah tangga dumugi hempers kathah dipun mekaraken dening perajin. Kathahipun pesenan ugi gumantung kaliyan wekdal, ing wekdal sakmenika kerajinan hempers kathah dipun pesen kangge ngajengi bada riyadi mangkeh ing pundi kathah warga sami ngintun hempers. Deling ingkang dipun ginaaken inggih gumantung kaliyan kerajinanipun, ananging padatanipun migunanaken deling apus, dene menawi deling petung kathah dipun ginaaken kangge ndamel kerajinan ingkang mbetahaken bahan ingkang kiyat. Piyambakipun dipun biyantu dening warga dusun piyambak, wonten ingkang ngemonah delingipun, ngenam dumugi finishing. Kawontenan menika temtu saged nikalaken karaharjanipun warga masyarakat sakiwa tengenipun ingkang sakderengipun dados berah tandur. Kerajinan saking deling menika pancen endah ananging ugi kedah dipun rimat supados awet.
Kerajinan deling ingkang dipun damel dening aji kepara sampun dipun kintun dateng ing mancanegari kepara sampun dipun kintun ing negari Rusia. Anerkawerni cakrik kathah dipun suwun ingkang kathah-kathahipun awujud home dekor. Ing papanipun menika piyambakipuntansah njagi kwalitas asil karyanipun supados tansah dipun tampi dening peken, lan tansaya kathah tanggiteaplihipun ingkang saged dipun biyantu lumantar pakaryan menika.
