TVRI YOGYAKARTA NEWS – ADI NUGROHO – WENDY
Kapandingaken kaliyan varietas sanes, lombok abrit imperial dumugi wedal sakmenia tasih dados pilihanipun kadang tani jalaran asilipun sae sarta kiyat ngajengi ama ssesakit, bab wigati ingkang kedah dipun gatosaken ing salebting budidaya lombok imperial inggih menikka njagi supados jamur mboten tumut tuwuh.
Lombok jinis imperial dados salah setunggaling komoditas olah tetanen ingkang pinunjul menggahing para kadang tani ing pesisir Bantul amargi asiling panen ingkang maremaken. Awit saking asiling panen ingkang sae menika. saweneh warga Sri Gading Bantul, ajeg nindhaken budidaya lombok imperial menika. Sasampunipun dipun budidaya kanthi tumemen kanyata asiling budidaya lombok imperial menika kapetang maremaken. Prasaat mangsa rendeng menapa jaah, asil lombok imperial saged dados piyandelipun kandang tani, Jono ingkang sampun pengalaman mbudidaya varietas imperial ngandaraken bilih lombok ingkang dipun tanem wonten ing sabinipun menika tuwuh sae, sinaosa ugi tasih umur nem, nanging tanaman lombok imperial menika ketinggal genjah kanti cawang ingkang kathah ngrembaka sarta woh lombok ingkang ndados. Saking lahan ingkang wiyaripun ngancik kalih ewu meter pesagi menika mangkenipun dipun rantam piyambakipun saged ngasilaken panen ngancik kalih kwintal lombok imperial saben penanipun. Pengaosipun lombok imperial saking kadang tani menika kapetang ajeg menawi kapandingaken kaliyan lombok rawit. Bab menika ingkang ndamel remening kadang tani nindaaken budidaya lombok menika. Jono ugi mucalaken cara budidaya lombok imperial menika dateng putranipun supados mandiri. Ing pangajab asiling panen lombok menika saged kangge sumbering wulu wetu. Ingkang baku, lombok imperial menika mboten saged kenging jamur ing perangan oyotipun. Menawi sampun kenging kedah enggal-enggal dipun bedhol supados mboten nular, lan enggal dipun sukani fungisida.
