TVRI YOGYAKARTA NEWS – ADI NUGROHO – WENDY WICAKSONO
Suket angin-angin utawi asring ingkang dipun sebat rumput lari-lari menika pancen kathah dipun prangguli ing laladan gumuk pesisir. Nanging sinten ingkang nyana. Suket angin-angin menika kamnyata ugi migunani sanget kangge njagi ekosistem gumuk.
Nami taneman menika pancen radi nyleneh lan kathah sanget. Wonten ingkang nyebat suket angin angin, suket bintang, rumput landak, rumput angin kepara ing laladan sanes dipun sebat rumput lari lari. Mboten namung naminipun ingkang ketingal bedha. Wujudipun suket menika ugi mboten limrah. suket ingkang gadah ron kaku lan landep werni ijem klawu menika, gadah perangan taneman ingkang mboten limrah. Inggih menika kados sekar garing nanging wujudipun kados landak nenapa dene bintang. Nami suket menika ugi asring dipun pundut saking sipatipun taneman menika ingkang gampil mlajar piyambak nalika nalika kenging angin. Suket angin angin menika kalebet taneman gesik ingkang namung tuwuh ing laladan ingkang wonten gumukipun. Asring sekar taneman menika ingkang sampun garing asring dipun dadoskaen dolananipun para lare menapa dene bahan kangge damel kerajinan. Sinten ingkang nyana, taneman menika kanyata ageng sanget mupangataipun menggahjing ekosistem pesisir jalaran taneman menika saged njadi wetahing gesik nalika kenging angin ageng, menapaden toya rob seganten. Tanpa taneman menika, gumuk saged telas semanten ugi gumuk ugi risak nalika kenging angin. Mila sampun sak mestinipun menawi taneman menika kedaah dipun jagi lestantunipun. Mboten namung menika, nalika jawah deres, taneman menika ugui njagi gesik supadso mboten ical kenging ilining toya.
