TVRI YOGYAKARTA NEWS – WIDI
Kangge njagi lestantuning alam, ing saklebeting nindaken usaha budidaya tawon madu, warga masyarakat ing Dusun Sekendal, Hargotirto, Kokap, Kulonprogo ngetrepaken setunggaling prenatan ingkang jumbuh kaliyan kearifan lokal ingkang sinebat trapsila brahmoro.
Setunggaling kampung alit ing pareden menoreh Kulonprogo, kasil mujudaken kampungipun dados wisata edukasi tawon tradisional, inggih menika Omah Tawon Randu Alas, ingkang dumunung ing Dusun Sekendal, Hargotirto, Kokap Kulonprogo. Ing saklebeting budidaya ugi nginaken glodog ingkang dipun papanaken ing sakatenging griya menapadene ing lingkungan, ingkang kwiwitan ing tahun kalih ewu wolulas kapengker. Budidaya tawon dowan lan klanceng ingkang katindaken warga menika ngetrepaken kearifan lokal ingkang tansah migatoasken kaliyan lestantuning lingkungan, menapadene lestantuning kewan ingkang dipun budidaya wau. Mboten namung babagan ekonomi kemawon ingkang dipun padosi, ananging kados pundi budaya ingkang sampun dipun turunaken dening para tiyang sepuhipu, ingkang kebak ing pitutur gesang bebrayan ageng dipun tindaaken ing jaman ingkang sarwa muka menika.
Wonten ing omah tawon randu alas menika para tamu kajawi dipun wurugi tata rakiting budidaya tawon ingkang njagi lestantunipun, ugi seserepan babagan mupangat tawon, engga ngunjuk madu ingkang saras.
