TVRI YOGYAKARTA NEWS – WIDI – HARIF YUDA
Setunggaling kampung alit ing pareden menoreh Kulonprogo, kasil mujudaken kampungipun dados wisata edukasi tawon tradisional, inggih menika omah tawon randu alas, ingkang dumunung ing Dusun Sekendal, Hargotirto, Kokap Kulonprogo.
Usaha budidaya tawon dowan sarta klanceng inkang dipun tindaaken dening heri kurniawan, warga saking Sekendal, Hargotirto Kokap Kulonprogo menika mbok menawi sami kaliyan usaha budidaya tawon sanesipun. Ing saklebeting budidaya ugi nginaken glodog ingkang dipun papanaken ing sakatenging griya menapadene ing lingkungan. Usaha menika kawiwitan nalika tahun kalih ewu wolulas kapengker. Ingkang mbentenaken kaliyan usaha sanesipun, ing saklebeting budidaya tawon dowan lan klanceng menika heri kurniawan ngetrepaken kearifan lokal ingkang tansah migatosaken kaliyan lestantuning lingkungan, menapadne lestantuning kewan ingkang dipun budidaya wau. Mboten namung ekonomi kemawon ingkang dipun padosi, ananging kados pundi budaya ingkang sampun dipun turunaken dening para tiyang sepuhipun, ingkang kebak pitutur gesang bebrayan ageng dipun tindaaken ing jaman ingkang sarwa muka menika.
wonten ing omah tawon randu alas menika para tamu kajawi dipun wurugi tata rakiting budidaya tawon ingkang njagi lestantunipun, ugi seserepan babagan mupangat tawon, engga ngunjuk madu ingkang saras. Madu ingkang dipun asilaken menika mujudaken madu premium.
