TVRI YOGYAKARTA NEWS – SETYO BUDI
Jalaran kirang toya, asilin panenan kacang gadhahanipun kadang tani saking kapanewon gedangsari, gunungkidul, mandhap kathah. Toya lepen ingkang kaajab saged ngelepi lahan kawontenanipun saya suda kepara ing sawetawis titik sampun garing.
Usaha budidaya taneman kacang brol, ingkang katindaken dening kadang tani ing sakpinggiraning lepen ngalang ing gedangsari asilipun medhak. Medaking asil kala wau jalaran, kiranging toya kangge ngelepi lahan. Ilining toya lep[en mboten saged nyekapi kabetahan taneman kacang brol ingkang dipun budidayaaken deing kadang tani. Kiranging toya ndayani woh kacang mboten saged tuwuh sampurno, saengga mangaribawani bobot lan asiling panen. Dompolan kacang mboten saged kebak. Patar saweneh kadang tani mratelaken bilih ing mansga tanem menika, piyambakipun namung pikantuk kalih sak kacang brol,kamangka ing kawontenan toya nurmal saged pikantuk asil engga nem sak. Patar namung saged ngelepi lahanipun kaping kalih, kamangka limrahipun ambal kap[ing sekawan. Cuaca benter ingkang dumados ing pungkasaning wekdal menikka ingkag njalari debit toya cepet garing. Ing lalaadn emnika regi kacng brol saben sekilonipun ngancik kalih welas ewu rupiyah.
Kajawi kacang, kadang tani ing laladan menika nanem pantun ingkang dados pilihan utami.
