TVRI YOGYAKARTA NEWS – JATMIKO HADI
Menawi panjenengan sutresna peksi, mboten wonten klentunipun panjenengan ngendangi wana rakyat ingkang wonten ing kalurahan Jatimulya Girimulya Kulonprogo. Ing papan menika sutresna peksi saget ningali maneka werni jinis peksi ing alam bebas.
Kados mekaten menika kawontenan wana rakyat ingkang dipun klola dining kelompok tani hutan uitawi kth wana paksi, saking laladan kalurahan Jatimulyo, Girimulyo, Kulonprogo. Kajawi hawanipun seger lan kawontenanipun asri, ing wana rakyat menika gesang atusan jinis peksi endemik lan ingkang migrasi ingkang wonten ing laladan pareden menoreh. Saengga mboten maiben bilih laladan wana rakyat menika asring dipun datengi dining para sutresna peksi kangge nindakaken paneliten. Saking asiling paneliten ing wana rakyat menika wonten 113 jinis peksi ingkang gesang ing wana menika, antawisipun jinis sikatan cacing, madu jawa, madu klapa, lan sanes-sanesipun. Kangge njaghi lestantuning peksi ing wana kasebat, sedaya warganing masyarakat ingkang manunggal ing kelompok tani hutan wana paksi, tansah nindakaken konservasi alam, lan mboten dipun keparengaken negor wit, engga mbebedak peksi ing wana rakyat.
Kajawi kasil njagi lestantuning sumber daya flora lan fauna ing laladan Jatimulya, wantenipun wana kaonserfasi ingkang dipun klola dining kth wana paksi ugi ndamel kridaning ekonomi warga ing sak kiwatengenipun langkung gumregah. Kepara ing tahun 2024 menika, kathah wana paksi pikantuk pangalembono kalpataru saking kementrian lingkungan hidup dan kehutanan RI.
