TVRI YOGYAKARTA NEWS – MARGOLARAS
Kangge nyengkuyung keistimewaan Ngayogyakarta saha nglestantunaken budaya olahraga tradisional jemparingan, sasana jemparingan wisanggeni tamantirto kasihan bantul ngawontenaken gladen jemparingan gagrak mataram, ngiras pantes mengeti ambal warsa jemparingan wisanggeni ingkang kaping sekawan.
Kajawi dipun saratni dining warganing sasana jemparingan wisnggeni, gladen menika ugi kasenguyung dening perekumpulan panahan tradisional nusantara jaya daerah istimewa yogyakarta, kanthi masrahaken serat keanggotaan dumateng pangarsa sasana wisanggeni. Kados gladen jemparingan padatan, ing gladen menika para pasarta gladen ugi kedah ngagem busana adat jawi gagrak ngayogyakarta. Jemparingan ingkang kalebet olah raga panahan tradisi menika, nggadahi ceciren antawisipun ageman busana jawi ingkang dipun agem pasarta, ngagem gandewo tradisional, saha anggenipun manah kanthi lenggahan. Ing sak ngajengipun pasarta wonten target sasaran panah ingkang diun sebat bandulan. Ing sak lebeting gladen menika mboten namung mbetahaken tenaga kemawon ananging ugi mbetahaken gregeting manah ingkang nyawiji kalian raga.
Miturut dedy aljawi, wotening jemparingan menika ugi nggadahi mapinten makan, kadosta rikala mbentangaken gandewa pasarta kedah ngeningaken manah. Kejawi dados sampurnaning manungsa saking wadagipun, dipun pangajab ugi ndadosaken sampurnaning manungsa saking manahipun. Mekaten menika wau ingkang dipun pangajab sawargi hamengku buwono ingkang kaping sepindah. Sak kathah kathahipiun pasarta ingkang nderek gladen, mboten ngirangi konsentrasi anggenipun manah. Saben saben pasarta ingkang kasil manah bandulan, pikantuk bebingah awujud unjukan, tigan asin saha kates. Dipun pangajab kanthi adicara menika jemparingan gagrak mataram tansah lestantun.
