TVRI YOGYAKARTA NEWS – SETYA BUDI
Karaos kirang jangkep menawi ngendangi papan wisata ing Gunungkidul, mboten mundhut angsal -angsal. Salah setunggaling papan ingkang mujudaken punjering oleh – oleh ing Gunungkidul inggih menika peken kerjan ing kapanewon pathuk.
Mapan ing sak pinggiring mergi Jogja Wonosari, peken kerjan menika kawentar minangkan punjering olah – oleh saking Gunungkidul, mliginipun kangge jinis woh sawo. Kepara saking katahing woh sawo menika, katah saking para wisatwan lan warga masyarakat ingkang nyebat peken kerjan menika kanthi nama peken sawo. Ing mangsa preen sekolah kados wekdal sakmenika, peken kerjan rame dipun datengi dinig para wisatawan. Salah saweneh bakul ing peken kerjan ngatinem ngandaraken, bilih wisatawan ingkang ngendangi ing peken menika mboten anmung wisatawan lokal kemawon, ugi wisatwan saking sak jawining laladan DIY kepara saking manca engari. Kajawi sawo, piyambakipun ugi nyade manekawerni woh – wohan, kadasta jambu lan labu. Saben dintenipun ngatinem saget nyade dasanan kilo woh sawo lan woh sanesipun. Woh sawo menika dipun pendet saking kadang tani sawo ingkang wonten ing laladan gunungkidul, kadasta saking laladan prongkop, saptosari lan panggang.
Ing peken kerjan menika sekedhekipun wonten 50 bakul ingkang gelar daganganipun. Peken menika sampun wonten wiwit purwakaning tahun 2 ewunan.
