TVRI YOGYAKARTA NEWS – WIDI-HARIF YUDA
Para pamirsa, kangge nikelaken bobot ekonomining lompong tales, klempakan tani rejo utomo saking blunyah rejo, karangwaru kitha ngayogyakarta ngolah lompong tales dados dendeng tales.
Taneman tales ingkang mujudaken salah satunggaling jinis bahan pangan lokal dereng dipun mupangataken kanthi maksimal dening warganing masyarakat. Sedaya perangan taneman tales menika saged dipun mupangataken, wiwit saking talesipun ingkang dipun olah dados manekawerni camilan wiwit saking kripik tales engga brownis tales. Sawetawis lompongipun padataniun dipun mangsak dados janganan, ananging dening klempakan tani rejo utomo saking Blunyah Rejo Karangwaru Kitha Ngayogyakrta, lompong tales menika dipun olah dados setunggaling lawuh inggih menika dendeng tales. Eko Yuliyanto pangamping program mratelaken bilih ing saklebeting ngolah lompong tales menika ugi namung gampil, kadosdene nalika ndamel dendeng saking daging.
Sinaosa lompongipun nembe kangge campuran, ngginaken bahan pangan lokal menika ing tembe ngajengipun kaangkah badhe saya nikelaken bobot ekonomining lompong tales. Wekdal sak menika pihakipun nembe ngurus PIRT nipun saengga badhe gadhah daya rebat ingkang saya sae.
