TVRI YOGYAKARTA NEWS – WIDI-HARIF YUDA
Para pamirsa, dumugining wekdal sakmenika usaha budidaya ayam bangkok tasih gadhah pangajeng-ajeng ingkang sae.
Saweneh warga ingkang dumugining wekdal sakmeika nindaken budidaya ayam bangkok ingih menika tumidi, saking duwe Purwoharjo, Samigaluh Kulonprogo. Wekdal sakemnaika piyambakipun gadhah sekawan indukan, sarta jago. Kapilihipun budidaya ayam bangkok miturut tumidi, jalaran ayam bangkok mujudaken setunggaling jinis ayam ingkang pinunjul, ingkang kathah sutrenanipun minangka kangge klangenan. Nindaken usaha budidaya ayam menika ugi kalebet gampil kadosdene nindaken usaha budidaya ayam sanesipun. Kajawi dipun damelaken kandhang ingkang mirunggan, ugi dipun umbar ing pekawisan. Sawetawis pakanipun ngginaken katul, jagung menapadene BR. Kangge njagi ketahanan badan sarta ngawekani seakit piyambakipun nyukani ron kates ingkang dipun campuraken ing pakan.
Supados ngasilaken ayam ingkang langkung unggul tumidi ugi ngawin silangaken kaliyan ayam sanes, kadoista ayam burma. Menawi badhe nyilang-aken, antawisipun jago lan babonanipun dipun dadosaken setunggal ing kandhang, ananging ugi saged dipun umbar mekaten kemawon. Ing pungkasaning wekdal menika jinis ayam menika ugi sampun dipun pasanggirekaken mboten kangge toh-tohan utawi dipun adu kemawon. Saking asiling usaha budidaya ayam bangkok menika kanayata ugi saged kangge tambal sulam kabetahan kulawarganipun.
