TVRI YOGYAKARTA NEWS – WIDI-HARIF YUDA
Para pamirsa, gendul tilasing toya mineral, dening saweneh warga saking Jonggrangan, Kulonprogo kangge nindaken usaha budidaya lele lan kangkung lumantar cara menika saged kangge nyekapi kabetahan gisi kulawarga.
Taneman kangkung ingkang dipun tanem ing tilas gendul mineral, ingkang nglebetipun kangge ngingah ulam menika sakjatosipun sampun kathah dipun tindaken dening warga saens. Ananging padatanipun menawi warga sanesipun ngginaken ember utawi igkang sinebat budikdamber, sutarman mupangataken gendul tilasi toya mineral. Sutarman gadhah pawadan menawi gendul tilas toya meniral meniak dipun bucal dangu bosokipun lan temtu kemawon badhe ndamel regeding lingkungan. Piyambakipun nembe nyobi kalh wulan dangunipun, asilipun kanayat ugi sae, tanemen kangkungipun saged tuwuh kanthi subur, mekaten ugi ulamipun ugi tuwuh kanthi maksimal. Caranipun ugi namung gampil, gendul toya mineral cekap dipun isi toya saklajengipun dipun isi winih lele gansgal iji kanthi ukuran setunggal nyari. Sawetawis kangkungipun nembe dipun lebetaken ing bolongan gendul mineral. Kangkung ingkang dipun pilih ingih menika kangkung jawi ingkang nglolor, sanes kangkung bubut. Menggah pakan ulam lele nginaken pelet pabrikan. Sasampunipun kalih wulanan lan ukuran ualam lele sampun ageng, dipu pinbdahken setunggal gendul cekap dipun isi kalih dumugi setunggal iji lele. Supados tuwuwhing lele saged maksimal, lan ngirangi amoniak sben setunggal mingu sepindhah toyanipun dipun gantos sepalihipun. Lumantar cara menika, saged nyekapi kabetahan gisi kulawarga. Kajawi saged panen kangkung, piyambakipun ugi saged manen ulam lelenipun. Cara olah tetanen ingkang njamboraken taneman lan ulam menika temtunipun mujudaken setunggaling cara ingkang kreatif, kangge nyekapi gisi lan protein ngiras pantes ngirit arta blanja, kepara ugi njagi karesikaning lingkungan saking gendul tilas toya mineral.
