TVRI YOGYAKARTA NEWS – SETYA BUDI
Kadang tani ing laladan Kabupaten Gunungkidul wiwit nilaraken sumur tradisional ingkang wonten ing sabin. Kangge nyekapi kabetahan toya irigasi kadang tani sakmenika katah ingkang gantos sumur tradisional lumantar sumur bor.
Ing m,amngsa ketiga kados wekdal sakmenika, toya sumur dados piyandelipun kadang tani ing laladan kabupaten gununbgkidul kangge nyekapi kabetahan toya irigasinipun. Kados ingkang wonten ing laladan Padukuhan Polaman Kalurahan Pampang Kapanewon Paliyan Kabupaten Gunungkidul menika. Ing papan menika wonten dasanan sumur tradisional ingkang sampun kawit dasanan tahun kapengker, dipun mupangataken toyanipun kangge irigasi olah tetanen. Salah saweneh kadang tani ingkang tasih mupangataken sumur tradisional ing saklebeting ngocori lahan olah tetanenipun inggih menika marso suwito. Piyambakipun ngandaraken bilih sumur tradisional gadahanipun menika dipun damel ing tahun 70 nan lan engga sepriki tasih saget dipun mupangataken. Toya saking sumur menika dipun ginakaken kangge ngocori taneman janganan lan sanesipun ingkang dipun budidayakaken lahanipun. Lebetipun sumur ugi benten – benten, radin – radin ngancik langkung saking sedasa meter.
Marso suwito nelakaken bilih sakmenika katah kadang tani ingkang gantos sumur tradisional mawi sumur bor amargi loangkung murakabi, lan menawi mlebet ing mangsa ketiga kados wekdal sakmenika, sumur bor tasih saget ngedalaken toya amargi lebetipun pipa ngancik dasanan meter.
