TVRI YOGYAKARTA NEWS – SETYA BUDI
Cara tanem tumpang sari lombok kaliyan kacang brol saged ngirangi kapitunan ing sak tengahing regi lombok ingkang mirah. Asil panyadening kacang brol saged kangge nutup beya ngrimat taneman lombok.
Kathah kadang tani ing Kalurahan Karangrejek, Wonosari, ing saklabeting nindaken usaha tani katindaken kanthi tumpangsari. Kados ingkang katinadekn dening satiran, ingkang nanem lombok lan kacang brol ing stunggaling lahan. Car menika dados salah setunggaling cara nalika regi lombok anjlog kados wekdal sakmenika. Regi lobok ing sak ngandhaping sedasa ewu rupiyah sekilo ndamel sesanggemanipun kadang tani saya awrat. Asiling wulu wektu saking lombok mboten saged nutup kangge ngrimat wit lombokipun. Sewalikipun saking asiling nanem kacang brol menika saged dados tambahan wulu wektu saengga saperangan saged diupun ginaken kangge ngrimat taneman lombok. Engga sepriki beya rabul lan panyiraman tasih katinadekn deing kadang tani kangge nyengkuyung tuwuhing taneman lombok. Satiran nambahaken saking sedasa kilogram winingh kacang, saged dipun panen kalih kwintalan kacang brol. Regi kacang brol sakmaenika ngancik sedasa ewu rupiyah sekilonipn. Cara ngrimat taneman kacang menika ugi gampil saengga nghririt ragat.
Kacang brol dipun tanem ing sak pinggiring bedengan taneman lombok. Mangsa pethik taneman lombok sesarengan kaliyan taneman kacang , ingklang katanem langkung risik. Wonten tigang pilihan taneman tumpangsari ingkang dipun tanem dening kadang tani ing karangrajek inggih menika brambet, kacang lan lombok.
