TVRI YOGYAKARTA NEWS – WIDI-HARIF YUDA
Para pamirsa, mupangataken galenagn, kadang tani ing laladan nanggulan jatisarono, nanggulan kulonprogo, nindaaken usaha budidaya kara pedang. Kajawi kanggeb nambah wulu wektu, taneman kara pedang ingkang doipun tanem ing galengan menika ugi dados taneman refugia.
Kara pedang mujudaken salah setunggaling jinis taneman ingkang kathah dipun tanem dening kadang tani ing laladan kabupaten kulonprogo. Wiji kara pedang menika ukuranipun langkung ageng tikel kaping gangsal kapandhingaken kaliyan wiji dangsul, kacang kara pedang menika kandhutan gisinipun ugi meh sami kaliyan dangsul, sawetawis protein lan karbohidratipun inggil lan lemakipun namung andhap. Dumugining wekdal samenika taneman kara pedang menika dereng kathah dipun tanem dening kadang tani, jalaran kaanggeb mboten gadhah bobot ekonomi kamangka kara pedang menika ugi saged dipun dadosaken penggantos dangsul menapadene bahan olahan daharan sanesipun, kacang kara pedang saged dipun olah dados manekawerni produk olahan pangan ingkang dipun remeni dening masyarakart. Pengaosipun ingkang langkung mirah kapandingaken kaliyan regi dangsul, kanthi mekaten kacang kara pedang saged dipun dadoaaken penggantos dangsul ingkang pengaosipun tansah mindhak, saengga nindaken usaha budidaya kara pedang temtunipun ugi gadhah pangajeng-ajeng ingkang sae. Cara mbabar taneman menika ugi gampil, kacang kara ingkang sampun tuwa lan garing dipun tamen ing polibag saampunipun setunggal minggunan sampun tuwuh, kanthi panyiraman ingkang ajeg. Sasampunipun menika nembe dipun pindah tanem ing lahan. Jalaran sipatipun nglolor kedah dipun damelaken lanjaran. Taneman kara pedang menika sampun saged mawoh ing umur setunggal setengah wulanan, taneman kara pedang kanyata ugi gadhah kalodhangan ingkang sae, wohipun saged dipun olah dados manekawerni daharan wiwit nugget, susu engga temnpe lan tahu.
